![](http://www.althingi.is/myndir/althlit.gif)
[10:50]
Ólafur Örn Haraldsson:
Virðulegi forseti. Framsóknarmenn hafa að sjálfsögðu áhyggjur af málum sem snerta fíkniefni og hafa látið það til sín taka með því að leggja fram á þessu virðulega þingi þáltill. sem gengur út á að Alþingi álykti að fela dómsmálaráðherra að leggja fram á þessu þingi frumvörp að samræmdri löggjöf um ávana- og fíkniefni sem byggð verði á tillögum samstarfsnefndar ráðuneytanna frá því í mars 1995.
Ég tel að með þessum tillöguflutningi og þeim viðbrögðum sem ég vænti að komi frá hæstv. dómsmrh. í þessu efni séu þessi mál komin í þann farveg sem getur skilað þeim nokkuð áleiðis með venjulegum starfsháttum þingsins.