[prenta uppsett í dálka] 66. fundur
[18:15]
Svavar Gestsson (um fundarstjórn):
Virðulegi forseti. Mér er kunnugt um það að hv. efh.- og viðskn. á að byrja á fundi kl. 8 í kvöld. Þeir menn sem aðallega eru í fyrirsvari fyrir nefndina eða mál hér núna eru úr efh.- og viðskn. og eru búnir að vera að verkum í allan dag. Ég mælist til þess miðað við það sem talað var um áður að menn haldi sig við samkomulagsmál en séu ekki að reyna að þrýsta í gegn erfiðum deilumálum. Það eru einhver samkomulagsmál eftir á dagskránni og á að vera hægt að ljúka þeim. Síðan vil ég í alvöru mælast til þess að þessum mönnum verði gefinn kostur á því að rétta úr sér á milli kl. 7 og 8 eða svo. Það er ekki til of mikils mælst, er það, forseti?
