![](http://www.althingi.is/myndir/althlit.gif)
[16:04]
Ásta R. Jóhannesdóttir:
Herra forseti. Hér er enn vegið að öldruðum. Verið er að afnema að fullu það ákvæði í lögunum sem sett var til að koma í veg fyrir tvísköttun lífeyrisþega. Ég vil benda á að það er annar hópur aldraðra sem nýtur góðs af skattafrádrætti lífeyrisiðgjalda en af þessum 15% skattafslætti.
Ég mótmæli þessari aðför að öldruðum og ég vil benda á að það er ekki bara þreföld aðför að öldruðum, sem er í gangi hjá ríkisstjórninni, heldur var upplýst á fundi heilbr.- og trn. í morgun að ráðherra hefur fleira í pokahorninu. Nú á að fara að skerða, með hærri prósentu, grunnlífeyri lífeyrisþega. Það á eftir að koma inn í umræðuna. Þannig að það er víða leitað fanga.