[prenta uppsett í dálka] 74. fundur
[10:26]
Sturla Böðvarsson:
Virðulegi forseti. Varðandi þá grein sem hér er verið að greiða atkvæði um og varðar Kvikmyndasjóð vil ég vekja athygli á því að framlög miðast við fjárlög eins og þau eru árið 1995. Ég vek sérstaka athygli á því og bendi hv. þm. á þær brtt. sem fela það í sér að framlög verða þau sömu og á þessu ári. Hv. þm. Alþfl. geta þá áttað sig á því að þeir samþykktu sömu upphæð vegna fjárlaga 1995 og hér er verið að fjalla um í væntanlegum fjárlögum. Ég segi já.
