[11:17]
Ásta R. Jóhannesdóttir:
Herra forseti. Með því að greiða atkvæði með þessari lagagrein er verið að lögfesta alvarlega atlögu að lífeyrisþegum og í raun er verið að binda hendur heilbrrh. sem getur þá ekki hækkað bætur meira en um 3% á árinu. Þó má segja að ríkisstjórnin hafi að hluta til komið til móts við stjórnarandstöðuna og hörð mótmæli hagsmunasamtaka lífeyrisþega í þessu máli og skal það virt en ég kýs að greiða ekki atkvæði.