![](http://www.althingi.is/myndir/althlit.gif)
Dómsmálaráðherra (Þorsteinn Pálsson) (andsvar):
Herra forseti. Eins og hv. þm. er kunnugt er heimilt frjálst framsal á aflaheimildum. Hv. þm. hefur tekið fram að það sé eitt af lykilatriðum í hagkvæmni núverandi fiskveiðistjórnarkerfis að slíkar reglur fái að gilda og það sem er heimilt lögum samkvæmt get ég ekki kallað brask. Hins vegar get ég kallað það brask sem gengur á svig við lögin og það sem er andstætt góðum viðskiptaháttum. Það er tekið á öllum slíkum dæmum. Þau fara fyrir dómstóla og þeir sem brjóta lögin með þeim hætti bera ábyrgð samkvæmt íslenskum lögum og á grundvelli niðurstöðu dómstóla.