[prenta uppsett í dálka] 66. fundur
Kristinn H. Gunnarsson:
Herra forseti. Í þessu frv. er fjallað fyrst og fremst um arðgreiðslur af þessu fyrirtæki. Til þess að ná fram því markmiði að svokallaðir eigendur geti fengið meiri arð eru í frv. ákvæði um að breyta skipan stjórnar og forræði hennar á gjaldskrá þannig að hún hafi sem frjálsastar hendur til að ná inn þeim arði sem ætlað er að deila út.
Í þessu frv. er ekki fjallað um verðlækkun raforku eða verðjöfnun. Það er ekki viðfangsefni þessa máls, það er ekki á áhugasviði þeirrar ríkisstjórnar sem ber þetta mál fram að lækka raforkuverð í landinu og jafna það. Það er einungis áhugaefni að ná í arð frá fyrirtæki sem skuldar rúmlega 50 þús. millj. kr. Ég tel því sjálfsagt að vísa þessu máli heim til föðurhúsanna og ég segi já.
