![](http://www.althingi.is/myndir/althlit.gif)
Iðnaðarráðherra (Finnur Ingólfsson) (andsvar):
Herra forseti. Ég held að þetta sé í fyrsta skipti í þessari löngu umræðu sem ég og hv. 8. þm. Reykv. erum sammála. Það kom fram í þessari ræðu hjá hv. þm. að hann er sammála eignaraðilunum um að það er ekki efst á listanum að greiða út arðinn. Efst á listanum, herra forseti, er að lækka orkuverðið. Og þegar við höfum náð því markmiði þá getum við greitt niður skuldirnar og greitt út arð til eigendanna.