![](http://www.althingi.is/myndir/althlit.gif)
Kristín Ástgeirsdóttir:
Hæstv. forseti. Undir lok 2. umr. í gær sat ég hjá við frávísunartillögu. Ástæðan var sú að ég hafði og hef efasemdir um aðkomu Ríkisendurskoðunar að þessu máli í ljósi stöðu þeirrar stofnunar í stjórnkerfinu og hvort sú leið sem farin er í frv. samræmist því frv. sem hér liggur fyrir um Ríkisendurskoðun. Því atriði verður ekki breytt að sinni.
Hvað varðar orkuverðið, þá hafa hæstv. viðskrh. og borgarstjórinn í Reykjavík lýst því yfir skýrt og skorinort að orkuverð verði lækkað jafnframt því að Reykjavíkurborg fái þann arð sem að var stefnt. Því styð ég þetta mál og segi já.