[prenta uppsett í dálka] 71. fundur
Forseti (Ólafur G. Einarsson):
Borist hefur svohljóðandi bréf:
,,Þar sem ég get ekki sótt þingfundi á næstunni vegna sérstakra anna leyfi ég mér, með vísun til 2. mgr. 53. gr. laga um þingsköp Alþingis, að óska þess að 3. varaþm. Alþb. og óháðra í Reykjavíkurkjördæmi, Svanhildur Kaaber kennari, taki sæti á Alþingi í fjarveru minni þar sem 1. og 2. varaþingmaður listans sitja nú á Alþingi.
Þetta er yður hér með tilkynnt, herra forseti,
Ögmundur Jónasson, 17. þm. Reykv.``
Kjörbréf Svanhildar Kaaber hefur verið rannsakað og samþykkt. Hún hefur ekki áður tekið sæti á Alþingi og ber því að undirrita drengskaparheit að stjórnarskránni.
