[prenta uppsett í dálka] 75. fundur
Hjálmar Jónsson (andsvar):
Herra forseti. Ég er nú svolítið hissa á því að hv. þm. Siv Friðleifsdóttir sem hér talaði skuli verja það að mismunur sé gerður á höfuðborgarsvæði og landsbyggð í vinnubrögðum. Ég held að það hljóti að vera vegna þess að hún hafi ekki áttað sig á þessum mismun sem við höfum verið að benda á í gagnrýni á vinnubrögð verkefnisstjórnarinnar.
Ég legg upp úr því að fjármunir skuli nýtast sem allra best í heilbrigðisþjónustunni og af þeim ástæðum er komin fram þessi þáltill. okkar sexmenninganna. Ég bendi svo á það líka að það var talað um mikilvægi þess að hafa samráð við heimamenn í niðurskurðaráformunum en ekki að skera ætti niður ákveðinn hluta af þjónustunni. Það á ekki að skerða þjónustu, það kemur fram hjá verkefnisstjórninni, en það á að spara um allt að 12%. Þetta er náttúrlega vantraust á þá sem stjórna þessum stofnunum. Þetta er svo mikið vantraust að það er ekki hægt að þegja yfir því.
