[prenta uppsett í dálka] 90. fundur
Viðskiptaráðherra (Finnur Ingólfsson) (andsvar):
Herra forseti. Meginádeiluefni hv. þm. Bryndísar Hlöðversdóttur á frv. um Nýsköpunarsjóðinn var að það skyldi ekki vera opnað fyrir aðrar atvinnugreinar inn í sjóðinn. Þetta er mikill misskilningur. Frv. gerir akkúrat ráð fyrir því --- og það tók ég skýrt fram í ræðu minni áðan --- að með Nýsköpunarsjóði er verið að opna aðgang fyrir nýjar atvinnugreinar að áhættu- og nýsköpunarfjármagni. Það er meginbreytingin frá því sem áður hefur verið. Það er m.a. í samræmi við ágætis frv. sem Alþb. og óháðir hafa lagt fram hér á þingi um nýsköpunarlánasjóð fyrir atvinnulífið. Þetta er megintilgangurinn. Og ef það er ekki annað sem hv. þm. hefur út á málið að setja um að það skuli ekki gert þá er um misskilning að ræða og hann er þá leiðréttur hér með.
