[prenta uppsett í dálka] 96. fundur
Ásta R. Jóhannesdóttir (andsvar):
Herra forseti. Ég fagna þessari afstöðu hv. þm. og skil hana sem svo að hún muni styðja þá tillögu sem ég nefndi, þ.e. að það komi fram í nefndaráliti að þessum reglum verði breytt þannig að foreldrar geti sinnt börnum sínum daglega með því að fá greiddar ferðir milli heimilis og vökudeildar eða sjúkrahúss ef barn þarf að dvelja þar langdvölum. Ég skil svar hv. þm. svo. Ef það er rangur skilningur þá óska ég eftir leiðréttingu frá hv. þm.
