[prenta uppsett í dálka] 127. fundur
Jóhanna Sigurðardóttir:
Herra forseti. Með þessu ákvæði er verið að heimila veðsetningu á kvóta með skipi sem framsóknarmenn sögðu í kosningabaráttunni að þeir mundu aldrei styðja. Útgerðarmenn fá nú ókeypis afnotarétt af auðlindinni og mega síðan fara með veiðiheimildirnar að vild, láta þær ganga kaupum og sölum og nú á að heimila að veðsetja aflaheimildirnar eins og hverja aðra þinglýsta eign þeirra. Með þessu ákvæði eru forréttindi þeirra fullkomnuð. Hér er lagt til að þetta ákvæði um veðsetningu á kvóta falli brott. Ég segi já.
