Samgönguráðherra (Halldór Blöndal):
Herra forseti. Ég vil ítreka það sem ég sagði áðan að ég tel að reynslan af þeim undirbúningi hafi ekki verið góð. Ég tel að ríkisstjórnin eigi að bera ábyrgð á þeim málum sem hún leggur fyrir þingið. Á hinn bóginn kemur síðan til kasta samgn. sem er kjörin af Alþingi að vinna úr málinu eftir að það hefur verið lagt fram. Ég hef því í hyggju að vinna að málinu með þeim hætti.