Menntamálaráðherra (Björn Bjarnason):
Herra forseti. Verði jafnréttisfræðsla hluti af aðalnámskrá grunn- og framhaldsskóla þá er fræðsla í þessum málum hluti af þeirri starfsskyldu sem menn sinna sem starfa í skólunum, það er alveg ljóst, og það er mín ætlan. Ég tel að það sé til frambúðar skynsamlegasta leiðin í þessu máli að jafnréttisfræðslan fái verðugan sess í aðalnámskránni, bæði fyrir grunn- og framhaldsskólastigið, þannig er best að þessum málefnum verði sinnt í skólunum.