[prenta uppsett í dálka] 32. fundur
Ögmundur Jónasson:
Hæstv. forseti. Ég vil vekja athygli á því að hér er lýst stefnu sem gengur þvert á það sem mótað var á flokksþingi Framsfl. í síðustu viku. Ég vek athygli á því að þessar yfirlýsingar ráðherrans ganga þvert gegn því sem Krabbameinsfélagið hefur ályktað um þessi efni. Ég leyfi mér að lesa úr ályktun Krabbameinsfélagsins, með leyfi forseta. Í ályktun formannafundar Krabbameinsfélagsins sem var haldinn 16. nóv. segir m.a., með leyfi forseta:
,,Fundurinn mótmælir nýjum reglum um innkaup á tóbaki og öðrum áformum um að auka frelsi í tóbakssölu og varar við afleiðingum þess. Þvert á móti ber að setja eins miklar skorður við tóbakssölu og frekast er unnt.``
Svo mörg eru þau orð.
