![](http://www.althingi.is/myndir/althlit.gif)
Svavar Gestsson (um atkvæðagreiðslu):
Herra forseti. Ég fer fram á að atkvæðagreiðsla fari fram um þetta mál. Ég hreyfði því í umræðunum að eðlilegt gæti verið að mál af þessu tagi færi til sérnefndar því að þetta er óvenju viðamikið frv. sem hér er á ferðinni með 186 greinum. Annar möguleiki væri líka sá að málið færi til allshn. því að þetta snertir Stjórnarráð Íslands og allar stofnanir á vegum þess. Hins vegar gerði hæstv. forsrh. tillögu um að þetta mál færi til efh.- og viðskn. sem mér finnst orka tvímælis en ég vil þó taka fram að fari svo að hv. efh.- og viðskn. vísi málinu til fagnefnda til meðferðar þá tel ég að við það megi una og í trausti þess að það verði gert mun ég styðja það að málinu verði vísað til efh.- og viðskn. og þar með fallast á tillögu hæstv. forsrh.