[prenta uppsett í dálka] 40. fundur
Sólveig Pétursdóttir:
Virðulegi forseti. Ég vil vekja athygli á því að þessi brtt. fjallar um hækkun á ökuhraða og var lögð fram við frv. til laga um breyting á umferðarlögum en ýmsar breytingar eru þar lagðar til. Allshn. fjallaði sérstaklega um þessa brtt. og leggst gegn henni. Þessi afstaða nefndarinnar kemur fram í nefndaráliti en þar segir, með leyfi virðulegs forseta:
,,Nefndin fjallaði einnig um breytingartillögu sem lögð var fram við 1. umr., þskj. 79. Getur nefndin ekki mælt með samþykki hennar, enda er á það bent að við hönnun vega hér á landi er ekki gert ráð fyrir hraða umfram 90 km/klst.``
Allir nefndarmenn allshn. eru sammála þessu áliti. Ég segi því nei.
