Ferill 173. máls. Aðrar útgáfur af skjalinu: Word Perfect.
1996. – 1066 ár frá stofnun Alþingis.
121. löggjafarþing. – 173 . mál.
190. Frumvarp til laga
um breytingu á lögum um tekjustofna sveitarfélaga, nr. 4/1995, með síðari breytingum.
(Lagt fyrir Alþingi á 121. löggjafarþingi 1996.)
1. gr.
Eftirfarandi breytingar verða á 3. gr. laganna:2. gr.
Í stað „IV. kafla“ í 1. mgr. 25. gr. laganna kemur: III. kafla.3. gr.
Lög þessi öðlast þegar gildi.Athugasemdir við lagafrumvarp þetta.
Frumvarp þetta er samið í félagsmálaráðuneytinu, en að hluta til grundvallað á áliti nefndar sem skipuð var til að yfirfara réttindi og skyldur sumarhúsaeigenda. Sú nefnd var skipuð af félagsmálaráðherra í samráði við umhverfisráðherra.
Í frumvarpinu er fyrst og fremst fjallað um breytt fyrirkomulag varðandi álagningu fasteignaskatts á sumarhús. Stofn til álagningar skattsins á þessar eignir verði fasteignamat þeirra. Þannig verði hætt að umreikna matsverð sumarhúsa til markaðsverðs sambærilegra eigna í Reykjavík.
Athugasemdir við einstakar greinar frumvarpsins.
Um 1. gr.
Í greininni eru lagðar til breytingar er varða sumarhús. Ákvæði þessi eiga við um sumarhús eins og þau eru skilgreind í byggingarreglugerð, sbr. gr. 6.10.7.1 í byggingarreglugerð, nr. 177/1992, með síðari breytingum.
Í a-lið er lögð til sú breyting á 2. mgr. 3. gr. laganna að sömu reglur gildi um stofn til álagningar á sumarhús og nú gilda um útihús í sveitum. Stofn til álagningar fasteignaskatts á sumarhús verður þá fasteignamat þeirra. Jafnframt verði hætt að umreikna matsverð sumarhúsa til markaðsverðs sambærilegra eigna í Reykjavík. Tillaga þessi er sett fram á þeim grundvelli að sérstaða sumarhúsa og eigenda þeirra er nokkur miðað við
Prentað upp.
aðra fasteignareigendur í sveitarfélögum. Er þar fyrst og fremst bent á að sumarhús eru ekki ætluð til íbúðar í þeim skilningi að fólk hafi þar lögheimili. Eigendur þeirra sækja því ekki þjónustu á borð við leikskóla, grunnskóla og félagsþjónustu til þess sveitarfélags þar sem sumarhús þeirra eru.
Í beinu framhaldi af þessu og með sömu rökum er lagt til í b-lið greinarinnar að tekið verði skýrar fram í 5. mgr. 3. gr. laganna að sveitarstjórnir hafi sams konar heimildir til að undanþiggja sumarhús álagi á fasteignaskatt skv. 4. mgr. 3. gr. laganna og gilda um aðrar fasteignir í dreifbýli.
Um 2. gr.
Um er að ræða tæknilega breytingu sem láðst hefur að gera fyrr, en kaflaskipan laga um almannatryggingar breyttist með lögum nr. 117/1993.
Um 3. gr.
Greinin þarfnast ekki skýringa.
Fylgiskjal.
Fjármálaráðuneyti,
fjárlagaskrifstofa:
Umsögn um frumvarp til laga um breytingu á lögum nr. 4/1995,
um tekjustofna sveitarfélaga, með síðari breytingum.
Frumvarpið felur í sér breytingar á 3. gr. laganna sem fjallar um fasteignaskatt. Breytingarnar varða álagningu fasteignaskatts á sumarhús til lækkunar á stofni.
Ekki verður séð að frumvarpið hafi nokkur áhrif á útgjöld ríkissjóðs.
