Lúðvík Bergvinsson (andsvar):
Virðulegi forseti. Þetta svar dugar ekki vegna þess að umræddar dylgjur komu fram fyrr í dag, hæstv. dómsmrh. Eins og lýsti hér áðan þá hef ég aldrei, frá því að ég kom á þing, heyrt aðra eins orðræðu og þá. Ég krefst þess, af því að sá er hér stendur átti frumkvæðið að því að þetta mál væri tekið til umræðu, að bent verði á a.m.k. eina af þeim dylgjum sem ég á að hafa haft um embætti hæstv. dómsmrh. svo ég gæti a.m.k. svarað fyrir mig.