![](http://www.althingi.is/myndir/althlit.gif)
Pétur H. Blöndal (andsvar):
Herra forseti. Hv. þm. gat þess að hún óttaðist að sveitarfélögin mundu ekki losna við félagslegar íbúðir. Þau mundu ekki geta selt þær og þær mundu standa auðar. Á hv. þm. við að fólk vilji ekki búa í þessum félagslegu íbúðum sem þó hefur sýnt sig að eru dýrari og jafnvel betri en aðrar íbúðir? Af hverju vill fólk ekki búa í þessum íbúðum? Er þetta hugsanlega einhvers konar ,,gettó`` eða bæjarblokkabragur sem á þessu hvílir? Er þetta ekki mjög neikvæð einkunn um núverandi húsnæðiskerfi?