Félagsmálaráðherra (Páll Pétursson) (andsvar):
Herra forseti. Kjarasamningarnir sem ég var að hæla hér áðan eru gerðir á grundvelli nýrrar vinnulöggjafar. Ég veit að það er ekki allt saman nýrri vinnulöggjöf að þakka en ég bendi á að þetta eru betri og þjóðhagslega farsælli kjarasamningar en við höfum gert áður, held ég, og það er gert á grundvelli þessarar vinnulöggjafar með þeim aðferðum sem þar eru fyrir skrifaðar.
Það sem ég sagði um vinnumarkaðsaðgerðirnar og breytingarnar á lögunum um Atvinnuleysistryggingasjóðinn var að það væru bættir möguleikar atvinnulausra til þess að fá vinnu.