[prenta uppsett í dálka] 94. fundur, 122. lþ.
Árni Johnsen (andsvar):
Herra forseti. Ég harma að hv. þm. Guðmundur Hallvarðsson skuli hafa lagt mér þau orð í munn að ég sæi allt svart í Reykjavík. Hann getur aldrei hafa fundið því stað í orðum mínum. Kannski er verið að elta ólar við smáatriði í þessu dæmi þar sem stórt ,,ef`` er á bak við. En þetta er óklárt í uppsetningunni og við þekkjum tilhneigingu ráðuneyta til að búa til apparat. Tilhneiging ráðuneytanna er að búa til apparatið í Reykjavík. Það þarf ekki að vera af hinu illa en í þessu tilviki er það óþarfi og ástæða til að horfa til allra annarra kosta fremur, að endurmenntunin eigi sér stað á vettvangi sjómannanna sjálfra og jafnvel í skipum þeirra.
