Sigríður A. Þórðardóttir:
Herra forseti. Ég tek undir orð hv. þm. Valgerðar Sverrisdóttur og hef ekki neinu við það að bæta að málið var lagt fram af hálfu stjórnarflokkanna til kynningar.
Í tilefni ýmissa orða sem hafa fallið í minn garð tel ég ástæðu til að leggja áherslu á að það er málfrelsi og skoðanafrelsi í þinginu og ég verð að segja að ég læt mér í léttu rúmi liggja ósmekkleg orð hv. þm. Ágústs Einarssonar í minn garð og ég tel þau lýsa honum fremur en mér.