Sighvatur Björgvinsson:
Herra forseti. Það kemur nú æ betur í ljós að fleiri og fleiri atriði í þessu frv. þarfnast betri skoðunar og eru vafasöm og kemur nú eitt atriði til enn. Auðvitað styður þetta enn frekar þá tillögu sem lögð hefur verið fram í þinginu og hefur verið studd mjög af almenningsáliti og fjölmörgum félagasamtökum, að málinu verði ekki lokið í vor. Ég ítreka það að félmn. hlýtur að skoða það mjög alvarlega miðað við þá stöðu sem er nú að koma í ljós.