[prenta uppsett í dálka] 126. fundur, 122. lþ.
Svavar Gestsson:
Herra forseti. Þessi grein hljóðar svo:
,,Þrátt fyrir ákvæði III. og IV. kafla er heimilt án leyfis að rannsaka og hagnýta á eignarlandi berg, grjót, möl, leir, sand, vikur, gjall og önnur slík gos- og steinefni, svo og mold, mó og surtarbrand.``
Þessari nýtingu eða rannsóknum fylgja engin umhverfisskilyrði og öllum ábendingum umhverfisstofnananna, eins og Náttúrurfræðistofnunar, Náttúruverndar ríkisins og Skipulagsstofnunar í þessu efni er hafnað. Hér er verið að efna til verulegrar hættu fyrir landið ef menn vaða í nýtingu á þessum efnum án þess að með því sé neitt eftirlit. Þess vegna greiði ég atkvæði gegn þessari grein, herra forseti.
