Jóhanna Sigurðardóttir:
Herra forseti. Hér er verið að hækka vexti á láglaunafólki úr 2,4% í 5%. Þakið á vaxtabótum þýðir að einstæðir foreldrar og einstaklingar þurfa að greiða úr eigin vasa allt að 60 þús. kr. meira en nú er. Er hægt að leggjast lægra í árás á kjör þeirra verst settu í þjóðfélaginu en að kippa burtu á þennan hátt sem svarar einum mánaðarlaunum verst settu hópanna? Ég segi nei.