![](http://www.althingi.is/myndir/althlit.gif)
Frsm. allshn. (Sólveig Pétursdóttir):
Virðulegi forseti. Ég mæli fyrir nál. frá allshn. um staðsetningu nýrra ríkisfyrirtækja og stofnana á landsbyggðinni.
Nefndin hefur fjallað um málið og var stuðst við umsagnir sem bárust á 121. löggjafarþingi frá fjöldamörgum aðilum.
Í tillögunni er mælt fyrir um að undirbúin skuli stefnumörkun um hvernig tryggja megi aukna hlutdeild landsbyggðarinnar í opinberri þjónustu með því að staðsetja nýjar stofnanir og fyrirtæki ríkisins utan höfuðborgarsvæðisins þar sem það er mögulegt.
Nú hefur verið lögð fram á Alþingi af forsætisráðherra tillaga til þingsályktunar um stefnu í byggðamálum fyrir árin 1998--2001, 695. mál, þar sem fram koma í meginatriðum markmið tillögu þessarar.
Í ljósi framangreinds mælir nefndin með því að málinu verði vísað til ríkisstjórnarinnar.
Allir nefndarmenn í allshn. undirrita álitið.