Frsm. allshn. (Sólveig Pétursdóttir):
Virðulegi forseti. Ég mæli fyrir nál. frá allshn. um till. til þál. um fjarstörf og fjarvinnslu í ríkisrekstri.
Nefndin hefur fjallað um málið og farið yfir umsagnir sem bárust.
Í tillögunni er skorað á ríkisstjórnina að beita sér fyrir því að auka fjölbreytni atvinnulífs í dreifbýli með því að innleiða fjarvinnslu og fjarstörf í ríkisrekstri. Allsherjarnefnd tekur undir efni tillögunnar, en nú þegar er unnið að því að nýta nútímatækni á þennan hátt við vinnslu verkefna á vegum ríkisins.
Í ljósi þessa leggur nefndin til að málinu verði vísað til ríkisstjórnarinnar.
Allir nefndarmenn í allshn. skrifa undir álitið.