Lúðvík Bergvinsson:
Virðulegi forseti. Verið er að greiða atkvæði um tillögu 2. minni hluta þess efnis að nefndin sem kjósa á skuli ljúka störfum í árslok 1998. Það er mat þingflokks jafnaðarmanna að ef ekki er að finna í tillögunni ákvæði um hvenær nefndin skuli ljúka störfum sé hún um margt sýndarmennska þar sem ætlunin er að reyna að drepa þetta grundvallarmál, sem auðlindagjaldið er, í nefnd næstu árin. Við munum ekki standa að því og því leggjum við fram þessa tillögu en það má glöggt greina á töflunni á veggnum að tillagan hefur verið felld og að henni felldri munum við sitja hjá við afgreiðslu hennar á eftir.