![](http://www.althingi.is/myndir/althlit.gif)
Flm. (Hjálmar Jónsson) (andsvar):
Herra forseti. Byggðastofnun veitir ekkert af stuðningi, verulegum stuðningi við sitt mikilvæga starf. Ég hygg nú að hún hafi ekki fengið þann stuðning nægilega mikinn upp á síðkastið. Ég vil hins vegar árétta að hún er að vinna gott verk.
En varðandi það hvers vegna við flytjum tillöguna. Það má t.d. benda á að stjórnmálamenn Reykjavíkurborgar hafa sumir tjáð sig um að borgin þurfi nú stærri skerf af sameiginlegu vegafé landsmanna og geri tilkall til þess. Þannig að auðvitað þarf að halda þessum málum á lofti. Það þarf að halda því á lofti eins og hér hefur verið gert í umræðunni að landsbyggðin þarf á því að halda að vegasamgöngur séu góðar og að þær verði sífellt bættar og auknar. Það má ekki skerða fé til þess.