[prenta uppsett í dálka] 31. fundur
Hjörleifur Guttormsson:
Virðulegur forseti. Ég þakka hv. talsmanni utanrmn., Tómasi Inga Olrich, fyrir þá framsögðu sem hann hefur flutt fyrir hönd nefndarinnar og tek undir þau sjónarmið sem fylgdu í ræðu hans um nauðsynina á því að styrkja menningartengsl Íslands og Þýskalands.
Ég vil jafnframt þakka hv. utanrmn. fyrir góða og skjóta vinnu í málinu varðandi tillöguna um Goethe-stofnunina í Reykjavík. Ég mæli þar örugglega fyrir munn okkar flutningsmanna níu, annarra auk mín sem fluttu þetta mál inn í þingið. Ég tel að afgreiðsla utanrmn. beri vott um þann hug sem býr að baki væntanlegri samþykkt þingsins í málinu og tel afar mikilvægt að það skuli koma fram svo ljóst og skjótt og hér hefur orðið með áliti hv. utanrmn.
