[prenta uppsett í dálka] 44. fundur
Guðný Guðbjörnsdóttir:
Virðulegi forseti. Hér er lagt til að lögin um skólakerfi verði felld úr gildi. Í þeim lögum eru tvær mikilvægar lagagreinar sem ég sætti mig ekki við að falli úr íslenskum lögum. Í 6. gr. laganna segir að kennsla sé veitt ókeypis í öllum íslenskum skólum og í 7. gr. þessara laga er skýrasta ákvæði íslenskra laga um jafnrétti kynjanna en þar segir:
,,Í öllu starfi skóla skulu konur og karlar njóta jafnréttis í hvívetna jafnt kennarar sem nemendur.``
Ég er á móti því að góð lagaákvæði séu felld úr gildi og greiði því atkvæði með þessari brtt.
