Guðmundur Árni Stefánsson:
Virðulegi forseti. Fjáraukalög, þar sem myndbirting og forgangsröðun ríkisstjórnarinnar og stjórnarmeirihlutans í þinginu birtist m.a. í þeim veruleika að varið er 391 millj. kr. til byggingar og endurbóta á sendiráðum úti í heimi á sama tíma og ámóta upphæð er varið til þess að styrkja heilbrigðiskerfið hér á landi, er stjórnarstefna sem ég vil ekki vera aðili að eða taka neinn þátt í að styðja. Þar af leiðandi greiði ég vitaskuld atkvæði gegn þessum fjáraukalögum. Þau eru hneyksli.