[prenta uppsett í dálka] 46. fundur
Guðjón Guðmundsson:
Herra forseti. Framsal aflaheimilda er helsti ljóðurinn á annars ágætu fiskveiðistjórnarkerfi okkar Íslendinga. Framsal aflaheimilda hefur leitt til tveggja allsherjarverkfalla sjómanna á örfáum árum og öll helstu heildarsamtök sjómanna hafa mælt með því að framsalið verði afnumið. Ég er andvígur því að innleiða kvótabraskið í smábátakerfið og greiði því atkvæði gegn þessum lið 1. gr.
