[prenta uppsett í dálka] 48. fundur
Svanfríður Jónasdóttir:
Herra forseti. Minni hluti menntmn. hefur gagnrýnt þá ofstjórnaráráttu með auknum pólitískum afskiptum sem fram kemur í frv. til laga um háskóla.
Við höfum einnig varað við því að með tilteknum greinum sé verið að taka burt þær lagalegu hindranir sem verið hafa gegn skólagjöldum í opinberum skólum á Íslandi. Tillögur okkar um að breyta þessu hafa allar verið felldar. Útfærsla málsins er því algerlega á ábyrgð ríkisstjórnarmeirihlutans á Alþingi. Ég treysti mér ekki til að styðja þetta mál og mun sitja hjá.
