![](http://www.althingi.is/myndir/althlit.gif)
Sigríður A. Þórðardóttir:
Herra forseti. Lengi hefur vantað rammalöggjöf um háskólastigið. Skólar á háskólastigi hafa lýst stuðningi við slíka lagasetningu. Ég tel að háskólafrv. tryggi mjög vel faglegt og fjárhagslegt sjálfstæði háskólanna og styrki háskólamenntun hér á landi í framtíðinni. Allar fullyrðingar einstakra stjórnarandstæðinga um annað eru rakalaus þvættingur sem ber að vísa til föðurhúsanna.