Félagsmálaráðherra (Páll Pétursson) (andsvar):
Herra forseti. Skýringin er sú að summan sem sveitarfélögin fá hækkar verulega. Þar að auki fá sveitarfélögin peninga á móti þeim tekjuskatti sem hinir tekjuhærri mundu annars hafa greitt og hafa þá möguleika á að gera betur við hina tekjulægri, þ.e. ég geri ráð fyrir að þetta deilist út sem hærri upphæð til húsaleigubóta. Þetta gæti verið leið til að bæta hinum tekjulægri.