![](http://www.althingi.is/myndir/althlit.gif)
Pétur H. Blöndal (um atkvæðagreiðslu):
Herra forseti. Árið 1633 var maður nokkur í Róm dæmdur til dauða fyrir að halda því fram að jörðin snerist kringum sólina. Hér er lögð fram brtt. um að reikna megi út iðgjaldið hjá B-deild Lífeyrissjóðs starfsmanna ríkisins. Það var fellt í fyrra en nú legg ég aftur fram brtt. og legg til að hv. þingheimur samþykki þá tillögu að það megi reikna út iðgjald til B-deildar Lífeyrissjóðs starfsmanna ríkisins sem er til staðar og reikna út áfallnar skuldbindingar á þá deild og henni dreift á þau fyrirtæki sem greitt hafa til sjóðsins.
Þessi ágæti maður, Galileo Galilei, sagði eftir að hafa verið dæmdur: ,,Hún snýst nú samt.``