Lúðvík Bergvinsson (andsvar):
Virðulegi forseti. Það sem ég vildi vekja athygli hæstv. fjmrh. á er að hér er ætlunin að leggja nefskatt á hvert símtæki sem eftir því sem ég kemst næst var ætlunin að innheimta í gegnum Póst og síma. Lögin kveða skýrt á um að ríkissjóður og sveitarfélög eigi að fjármagna þetta. Það er alveg klárt. Ef ætlunin er í fjárlögum að leggja á einhvern nefskatt er því alveg ljóst, og hæstv. fjmrh. veit það manna best, að það getur ekki gengið.