Ferill 275. máls. Aðrar útgáfur af skjalinu: Word Perfect.
122. löggjafarþing 1997–98.
Þskj. 497 – 275. mál.
Nefndarálit
um frv. til l. um breyt. á l. nr. 38 15. maí 1990, um stjórn fiskveiða, með síðari breytingum.
Frá meiri hluta sjávarútvegsnefndar.
Nefndin hefur fjallað um málið og fengið á sinn fund frá sjávarútvegsráðuneyti Árna Kolbeinsson, Kristínu Haraldsdóttur og Snorra Rúnar Pálmason. Örn Pálsson kom frá Lands
Frumvarpið felur efnislega í sér að reglur um endurnýjun fiskiskipa verði rýmkaðar og samræmdar. Meiri hluti nefndarinnar leggur til tvær efnislegar breytingar á frumvarpinu sem gerð er grein fyrir á sérstöku þingskjali. Annars vegar er lagt til að fellt verði niður skilyrði um að skip hafi haft leyfi til að veiða með aflamarki í a.m.k. sjö ár áður en þau geta nýtt sér endurnýjunarreglur þær sem gert er ráð fyrir í frumvarpinu. Þess í stað er mælt fyrir um það að eigandi skips geti einungis nýtt sér stækkunar- eða breytingarreglur þær sem gert er ráð fyrir í frumvarpinu einu sinni á hverjum sjö árum. Hins vegar er lagt til að sjávarútvegsráðherra skuli í reglugerð mæla fyrir um hvernig rúmtala skips skuli reiknuð. Meiri hlutinn leggur áherslu á að frumvarpið verði samþykkt svo breytt.
Alþingi, 10. des. 1997.
Árni R. Árnason,
frsm.
Stefán Guðmundsson.
Einar Oddur Kristjánsson.
Hjálmar Árnason.
Guðmundur Hallvarðsson,
með fyrirvara.
Vilhjálmur Egilsson.