Guðmundur Árni Stefánsson:
Herra forseti. Sú brtt. sem hér er verið að greiða atkvæði um og er frá þeim sem hér stendur og Rannveigu Guðmundsdóttur, snýr að lítils háttar breytingum á hafnaáætlun og fyrst og síðast að því að þrjár tilteknar hafnir njóti jafnræðis á við aðrar hafnir í landinu, einkanlega þó tvær, þ.e. Garðabær og Kópavogur, en þær eru ekki með í þeirri aðaltillögu sem fyrirliggjandi er. Það er auðvitað óviðunandi að jafnræðis sé ekki gætt í þessum efnum og við hv. þm. viljum tryggja að svo sé og þess vegna er tillagan hér komin fram.