[prenta uppsett í dálka] 72. fundur, 123. lþ.
Guðný Guðbjörnsdóttir (andsvar):
Herra forseti. Ég þakka hæstv. utanrrh. fyrir þessi svör. Ég hef í sjálfu sér ekkert við þau að athuga. Ég fagna því að hæstv. ráðherra ætlar að halda áfram að leggja áherslu á konur og börn í sambandi við þróunaraðstoð og mannréttindamál og vonast eftir því að náið samráð verði haft við félagasamtök um þessi mál, ekki síst um mannréttindamál kvenna sem er virkilega þörf á að taka föstum tökum hvort sem er hjá Sameinuðu þjóðunum eða hjá öðrum mannréttindastofnunum.
