Katrín Fjeldsted:
Herra forseti. Mér finnst mjög áhugavert að heyra þessi svör ráðherrans. En mig langar til að vekja athygli á fyrirspurn sem liggur fyrir frá mér til ráðherra um störf sjúkraliða og vil aðeins að skjóta því inn í þessa umræðu. Það er í rauninni spurningin um það hvort ekki geti hugsast að það sé eðlilegt að sjúkraliðar geti unnið undir stjórn lækna. Það er aðeins hliðarspor í þessari umræðu. En hæstv. ráðherra kemur kannski aðeins inn á þetta í seinni ræðu sinni.