Pétur H. Blöndal:
Herra forseti. Ég styð eindregið þessa þáltill. Í tillögunni stendur að Alþingi álykti að hefja skuli hvalveiðar hið fyrsta og í greinargerðinni stendur að miða skuli við að það geti orðið eigi síðar en á næsta ári. Næsta ár er árið 2000 og í lok þess, 31. desember kl. 24, á að vera búið að heimila hvalveiðar hér við land samkvæmt þessari tillögu. Ég styð hana því eindregið.
Ég hef farið í gegnum þau varnaðarorð sem menn hafa fært fram gegn tillögunni í gær í umræðunni. Ég tel að samþykkt þessarar tillögu sé sigur skynsemi og vísindalegs hugsunarháttar yfir firringu og hindurvitnum. Ég segi já.