[prenta uppsett í dálka] 17. fundur, 123. lþ.
Bryndís Hlöðversdóttir:
Herra forseti. Sennilega er það rétt að við hæstv. fjmrh. erum sammála um markmiðin. Munurinn er sá að hæstv. fjmrh. er vinnuveitandi og því í aðstöðu til þess að framkvæma það sem sett er fram í markmiðalistanum.
Ég mun leggja fram skriflega fsp. til að fá fram svör við þeim spurningum sem hæstv. ráðherra hafði ekki kost á að svara. Hefur sú meginregla að stöður skuli auglýstar verið framkvæmd í fjmrn. núna á þessu tímabili frá því að þessi markmið voru sett fram og telur ráðherrann það ekki mikilvægan þátt í því að tryggja að sem best sé staðið að ráðningum starfsmanna?
