![](http://www.althingi.is/myndir/althlit.gif)
Landbúnaðarráðherra (Guðmundur Bjarnason):
Hæstv. forseti. Ég gleymdi að nefna að auðvitað mun það skoðað hvort eitthvert svigrúm er innan núverandi sauðfjársamnings. Hugsanlegt er að þar megi hagræða greiðslum sem að öðru leyti eru merktar vaxta- og geymslugjöldum og öðrum þáttum. Ekki er líklegt að viðbótarfjármunir verði veittir til að grípa á þessu máli sérstaklega, enda nefndi hv. fyrirspyrjandi að hætt væri við að þetta mál leystist ekki á augnabliki. Það gæti jafnvel tekið mörg ár að leysa málið. Það er því ekki einfalt að grípa til aðgerða sem geta gjörbreytt stöðunni.