[prenta uppsett í dálka] 18. fundur, 123. lþ.
Jón Kristjánsson:
Herra forseti. Ég þakka hv. þm. fyrir það mat sem hann hefur á völdum mínum í hv. Alþingi. Það er verst að ég þarf ekki að fara í prófkjör á næstunni svo ég get ekki nýtt þessi ummæli mér til framdráttar í kjördæminu en ég mun koma þeim til skila í kosningabaráttunni. (Gripið fram í: Varaformaður.)
En svo að ég víki að efni ræðu hv. þm. að öðru leyti þá hef ég hvergi séð það í lögum um Ríkisendurskoðun að ráðherra sé ekki heimilt að leita álits hennar í málum. Ef það er talið vottur um óvönduð vinnubrögð að leita álits Ríkisendurskoðunar þá veit ég ekki hvar ég er staddur. Og ég ætla ekki að hafa fleiri orð um það.
