![](http://www.althingi.is/myndir/althlit.gif)
Frsm. meiri hluta heilbr.- og trn. (Siv Friðleifsdóttir) (andsvar):
Herra forseti. Ég hef rætt þetta skjal sérstaklega við viðkomandi starfsmann Íslenskrar erfðagreiningar (ÖS: Lestu það.) sem hér var vitnað í, Hákon nokkurn, og það kom fram að þarna er átt við að persónuauðkenni séu dulkóðuð en ekki heilsufarsupplýsingar. (ÖS: ,,... afkóðar persónuupplýsingar og gerir þær skiljanlegar ... eru fluttar í vinnslugrunninn.``) Persónuauðkennin eiga að vera dulkóðuð en heilsufarsupplýsingarnar ekki. Heilsufarsupplýsingarnar eiga einungis að vera dulkóðaðar á leiðinni inn í grunninn, (ÖS: Þetta stendur hérna.) þegar þær eru á leiðinni. Síðan á að afkóða heilsufarsupplýsingarnar þegar þær koma inn í grunninn. En það á ekki að afkóða persónuauðkennin. (ÖS: Þetta er bull.) Þetta er rétt.